Hi Blixer…’heavy’ onderwerp vandag…veral as jy ‘n man is

Vrouens het vanmelewe nog altyd aan die kortste end getrek- no pun intended. Papsmere, mammografie en ander ondersoeke wat mens nou nie juis as gemaklik of lekker kan beskryf nie. Mans, wel mans moes net so nou en dan gaan vir ‘n prostaat ondersoek. Selfs dit het hulle uitgestel tot die bitter laaste oomblik. Toe is daar ‘n reuse veldtog wat mans vertel dat daar nou ‘n eenvoudige bloedtoets is wat die nodigheid van ‘n prostaat ondersoek totaal uitskakel. Jammer om die spreekwoordelike bubble te bars, maar dit was ‘n halwe waarheid. Die PSA (Prostaat Spesifieke Antigeen) is eintlik ‘n tumormerker, maw iets wat dokters gebruik om die verloop van ‘n siekte en sy behandeling te monitor.

(more…)

Howzit Emil…NOG ‘n kwaliteit post.

So ‘n bietjie balans – of net nog oogklappe vir ‘n pot wat stadig en stilletjies begin oorkook? Sal ons uitspring, parras? Emil gaan binnekort! The world is my oyster!

Suid Afrika gaan deur groei-pynne. Die ekonoom JP Landman reken dinge is nie regtig so erg nie. Ek hoop die meeste het na Rian op KykNet gekyk en sy gesprek met meneer Landman gevolg. Die man is beslis positief ingestel!

Maar mens moet jou eenvoudig die vraag afvra hoekom sentiment in die land so negatief is, en of dit geregverdig kan word. Hemels, ek self is binnekort ook land uit – die wat my blog volg sal reeds hiervan bewus wees. Ek noem Qatar as ons nuwe realiteit, en vra ook ‘n intense vraag aan my gereelde besoekers. Die wat wil, kan gerus gaan inloer en my help met julle idees. Ek sal die parra’s se insette waardeer.

(more…)

Hi daar DM…en dankie

Om ‘n girl te box …

Ek staan onlangs en dink dat mens darem ‘n wye verskeidenheid vrouens kry, genoeg om van te kies en te keur.  Ek kategoriseer hulle graag en deel vandag die resultate met julle.  Vertel my gerus wie is jy, of skep jou eie kategorie.  Enjoy!
Die kunstige tipe: Jy herken hulle maklik aan hulle kleredrag.  Sy dra gewoonlik verskeie lae materiaal, in herfskleure, wat lyk asof dit los om haar gedrapeer is, gewoonlik gepaardgaande met ‘n serp of so.  Sy hou nie besonders baie van grimering nie en het gewoonlik so vae kyk in haar oë, asof die alledaagse heeltemal by haar verby gaan.  Jy sien haar nie sommer in swemklere nie en sy is gewoonlik iemand met ‘n ligte vel wat skrik vir die son.  Sy is down to earth en wat jy sien is wat jy kry.  O ja, sy is weird.  Sy het die vreemdste gewoontes en weet nie dat daar Saterdae sport op TV is nie.

(more…)

Hi Platty…groot druk en ‘n lekker (oopmond) soen vir jou…

DALK MOET ONS.…..
Hierdie is ‘n OU post….  wat tot ‘n mate weer relevant is….  veral die ‘DALK MOET MENS’ deel…..   Gister het ek weer besef HOE ongelooflik julle klomp mense is… en rerig, ek waardeer dit ongelooflik!  Elke comment, sms, telefoonoproep, ALS!!!  Julle is onherroeplik deel van my lewe….
En ‘apologies’ aan die parras by die paartie wat ek nie toestemming gevra het om fotos op my blog te plaas nie!  Oooooops!  Dis gedoen!!! 
Dis die laaste vir ‘n rukkie….  maar ek gaan julle nog raak-lees en so nou en dan comment… en, dan’s ek hopelik weer terug!  Met nuwe spoed en al daai dinge….
Hier’s die ‘ou’ post…….
Ek’s hier, maar is ook nie hier nie!
Sommer so met die intrapslag wil ek net weer ‘n MOERSE dankie sê aan almal van julle!  Is ongelooflik hoe ‘cyber support’ my deur (??) hierdie laaste paar dae gehelp het….  Ek’s totally verlore…  ek dink ek mis helfte van my lewe op die stadium!
Maar …. Dalk moet mens…. Met Boeshie was ek in die bevoorregde posisie dat hy ‘tyd’ gekry het…  tyd wat ons nie altyd het nie! En tyd wat ek nie andersins sou gehad het met hom nie….  Tyd om my gewoond te maak dalk?  Wie weet!

(more…)

Hello Dellie…

Vandat ek kan onthou, wou ek ‘n dokter wees. Ek dink dit het begin met my boetie wat altyd een van my poppe se arms afgebreek, toon afgekou, oor geskeur, of ‘n oog uitgehaal het. Dan het hy my getroos en gesê die pop was in ‘n moerse ongeluk, en ek moet haar nou gesond dokter. Ek het baie pasiënte gehad. Ek het later sommer self nuwe poppe se hare begin afsny vir brein operasies. En hulle dan steke gegee met swart wol. Soms is ‘n oog vervang met ‘n albaster. Of iemand het ‘n lapoor gekry, of iemand anders se arm. Ja, die eerste Brides of Chuckie was myne.
Daarvandaan het ek ‘n paar lewendige pasiënte gehad. In Suidwes was die akkedisse groot en baie. Hulle is onseremonieel oor die kop gedonner met my pa se skoen, en dan geopereer. Wanneer ek klaar was met hulle, het sommiges vyf pote gehad, sommiges geen pote, maar twee sterte. Harte en longe en ander binnegoed is ook oor en weer geruil. En alles is netjies toegewerk. Dan is hulle in visblik-bedjies toegemaak met tissues. Maar hulle wou nie weer wakker word nie, en na twee dae het my ma my met haar slipper gedwing om begrafnis te hou, aangesien die hele stoep toe al gestink het soos die hel. Dit was die einde van my oorplantings fase.

(more…)

Welkom Blixer!

Virusse leef nie, dus kan mens hulle nie dood maak nie. Scary, but true. Anders as bakteriee wat ons met antibiotika kan behandel is daar nie veel wat mens kan doen vir virale infeksies nie, behalwe om op jou eie immuunstelsel staat te maak om die nodige teenliggaampies te vervaardig
om sodoende die infeksie te eradikeer. In gevalle van griep neem die proses sowat 2 weke vanaf eerste blootstelling totdat daar immuniteit is. Ander virusse is egter nie so maklik om te oorkom nie en daar is selfs virusse wat hulself ‘terugbou’ in ons DNA- HIV is ‘n uitstekende voorbeeld van so ‘n virus, die sogenaamde retrovirus.

(more…)

Welkom terug DM…

Die legkaart….

Wel, ek weet nou nie van al die slim mense wat baie meer weet as ekke nie, maar soms wonder ek so effe oor goeters.  Soos oor die werklike rede vir onse Thabo se jarelange vriendskap met MalBob Mugabe.  Hoekom ek die sakie aanroer is oor iets wat ek die naweek gehoor het terwyl ons rondom ‘n gesellige ou vuurtjie ‘n tjoppie of twee gebraai het terwyl ons ook staan en teug aan die nodige bietjie proviant vir die keel.

Julle sien, so tussen ‘n lekker geselsery deur die naweek kies die gesprek toe rigting na die onderwerp van Diplomatieke Thabo en MalBob Mugabe.  En iemand noem dat hulle iewers gehoor het die twee is verlangse aangetroude familie of iets.  Nou ek weet nie so mooi daarvan nie, maar sy noem toe ook dat sy ‘n teorie het oor Thabo se Stilte.
Sien, die saak staan so:  Die hele wêreld kan dalk dink ou Bob is so mal soos ‘n haas en dat hy kroek met verkiesings, maar Thabo kan nie veel daaroor sê nie.  Sien, indien die twee wel tipe van familie is of iets, dan is dit moer shaky vir Thabo om sy mond te groot oop te maak en ook op die “bandwagon” te spring.
Hoekom?
Want onse Swygende Thabo weet dat MalBob eendag, en hopelik binnekort, gaan sterf.  En as Mal Bob die emmer skop, dan word hy een van die Voorvaders.  Meer spesifiek, hy word een van Thabo se Voorvaders.  En wie wil nou die Voorvaders onnodiglik omkrap as jy dit kan verhoed??

Dit was asof alles skielik in plek val

More Platterfuss….

Dankiefokkentog!

Eish, lately besef ek daar’s rerig goed waaroor ek donners bly is, situasies en ‘werke’ waarin ek net mooi nooit ooit sou ‘gefloreer’ het nie…

Imagine my…. In ‘n plek waar dit nooit ooit warm is nie….  Koue maak my dadelik bedonnerd, en daai gevoel dat jou damn neus loop.,… EN imagine iemand donner my oppie neus?  Hy sal mors-af breek… sommer net so!  Zap… en ‘klingel-klingel’ as hy op die vloer land!!!  Die ander probleem is warm aantrek!  Ek kan ‘layer’ tot ek blou in die gesig is, maar as ek wil koud kry, gaan gn nikse lae en lae klere my warm kry nie!  En so teen die 2de laag (thermal of te not) begin dit al voel asof ek nie kan beweeg nie!  Ietsie in die lyn van ‘n ooropstopte stuk boerewors……. Daai’s wat lyk of daai vliese (of dermpie) so wil-wil breek….  Wat net ‘n rede soek om te pop!!!

(more…)

Welkom King…jou ‘posts’ gaan ek enjoy

Ek lees toe nou die dag ‘n artikel op Bosparra wat gaan oor die bespiegeling / raaisel: word gays gebore, of word “hulle” so. Nogal interessant gewees om dit te lees, alhoewel party opvattings maar eng was. Maar ek was erg geskok toe ek die kommentaar deurlees wat op die artikel gevolg het, wat gewissel het van aanvaarbaar tot gooi die moffies met klippe dood. Ek reken toe ek sal die tyd vat om my opinie te deel. Kort en kragtig:

Wat in ‘n ander ou se huis / kamer aangaan het boggerol met niemand te doen nie. Die hele polemiek is absurd.

Die definisie van GAY volgens Wikipedia is: Gay is an adjective that in modern usage usually refers to homosexuality. In earlier and in literary usage, the word means “carefree”, “happy”, or “bright and showy”. Waar is die dae wat ons almal “carefree” en “happy” was?

Nie lank gelede nie, voor die sogenaamde Demokrasie in Suid Afrika, (onthou jy, dit was toe petrol nog R4 per liter gekos het, en armoede baie minder was as nou…) was ‘n swart persoon (nie-blanke) nie in ons NG Kerke (of Susters Kerke) toegelaat nie, (behalwe natuurlik die bediendes wat die Nagmaal glasies moes was en die vloer moes polish…). En nie lank nie, of die deure is (gelukkig) oopgestel, en enige iemand mag toe die dienste bywoon. Of daar veel swart lidmate deesdae is, weet ek nie. Want ek is nie gereeld in die NG Kerk nie. Maar ek weet hulle (alweer die hulle woordjie…) beswaar en afgryse het plek gemaak vir aanvaarding. Ek reken toe tot my fout, die nuwe Grondwet maak mos voorsiening vir alle Suid Afrikaners, en dat die Kerk berus het in die feit dat ons almal deur een Skepper geskape is. Hoe verkeerd was ek! Ons is lank nog die gelyk in die oe van die Kerk nie - of jy nou wit, swart, geel, vet, lank, kort, maer of watookal is. WRONG!

(more…)

Welkom Blixer…

Katarsis! Lewensredder, gewoonlik myne en veral diegene om my wat soms net te veel karring of net te inkompetent is vir hulle poste. Vir die wat dalk nie weet wat katarsis is nie, kan ek dit verduidelik as die emosionele ekwivalent van die uit druk van ‘n ryp pitsweer. Kortstondige intense pyn gevolg deur absolute verligting. Soos hulle sê “You have to lance the boil to cure it”.

Die afgelope ruk voel ek die gejaagdheid van die lewe aan my liggaam- stywe nekspiere, slaap sonder rus, geirriteerdheid (okei sommige sal dit plain bedonnerd noem) ens. Ek besluit toe gisteraand gaan ek op sy sit vir katarsis- dit is nou een van daai aande waar jy met jou eie demone spook en spartel en vrede maak met alles wat onstel. My lysie is nogal lank en ek begin met die stressore in die my lewe, binnelandse sake, reisagentskappe, onvoltooide werkstukke, hope navorsing wat opgeskryf moet word en ‘n brandende Suid-Afrika. Volgende is emosionele bagasie, pasiente wat dit nie gemaak het nie, vriende wat skei ens.

(more…)

Howzit Emil…

Braaivleis, sonskyn en … piophila casei (not for the fainthearted en hulle wat nog later ‘n tjoppie wil braai nie ;-)  )

Opgedra aan ‘n ou stryder, die legende, Ricky Louw

Gatvol reken mos ek moet so ‘n bietjie oor braaivleis skrywe.

Ek dink nie dit is ‘n sleg indee nie – mens kan altoos goed gatvol raak vir politiek, rassisme en morbiede onderwerpe soos doodstraf, genadedood en vuurvliegies

En hemels, al reken mens aldag dit gaan in hierdie land uiters beroerd, dan is ‘n ou skaap tjoppie mos immers daar om ons vir sou ‘n paar uur van al die kak te laat vergeet. Wat is dan nou lekkerders as so ‘n smeulende, sissende tjoppie op ‘n oop rooister bo-op donker-warm kole?

‘n Mens kry opnuut warm waardering vir so ‘n tjoppie, veral as ‘n mens terugdink aan die bek-en-klouseer epidemie in Engeland en Kwazulu-Natal, toe die brandstapels van bees karkasse die horison rooi gekleur het soos ‘n ondergaande son. Al daai verlies!

(more…)

Hello Platty….

ALLEEN, EENSAAM OF VERLATE?

Gisteraand toe ek huistoe ry van my ma-hulle af het ek toe weer kans vir dink…

En toe wonder ek oor alleen?  En wanneer word alleen eensaam?  En wanneer voel mens sommer net verlate!

Ek’s nie goed met Sondagmiddae nie!  Was nog nooit!  As ek die selfmoordtipe was, sou ek dit ‘gereel’ het vir ‘n bewolkte Sondagmiddag, so as dit net skemer raak!  Normaalweg vrek ek oor skemer… maar dit werk nie vir my op ‘n Sondagmiddag nie!  Dis polskouend k@k!

Ek’s ‘n ‘alleen’ mens… uit keuse! Alhoewel ek ‘n ekstrovert is… Miskien het ek my lewe deur te veel mense ‘deur die dag’ om my, so….  Ek soek ‘rus en vrede’ as ek my werksomgewing ‘verlaat’…. Ek’s nie gepla met myself nie, so ek kan alleen wees! Ek dink net mense wat vrede met hulleself gemaak het kan ‘alleen’ werklik hanteer….  En besluit wanneer ek mense om my wil hê!  En dan kry ek mense om my! My huis is baie ‘privaat’… dis waar ek wegkruip as die lewe erens begin voel soos ‘n nommer te klein skoen! So, min mense weet eers waar ek bly, net die baie ‘bevoorregtes’!

(more…)

Emil… Kwaliteit.Soos altyd.

Doodstraf – is ons dan beter as moordenaars?

‘n Moreel-eties filosofiese reaksie op Platkuif se post.

‘n Ou kennis van my blog oor die doodstraf. Verder gons dit ook deurentyd in die Suid Afrikaanse media oor hierdie komplekse aangeleentheid – loods gerus maar ‘n soektog op Google onder “doodstraf” en “death penalty”. En Platkuif het ook na aanleiding van ‘n skokkende storie ook aangevoer dat die doodstraf heringestel moet word. Dit is vandag inderdaad ‘n relevante kwessie.

Die onrusbarende hoë voorkoms van misdaad in Suid Afrika laat oral stemme vir die herinstelling van die doodstraf opklink. Daar is vanselfsprekend argumente aan baie kante van die debat, en daar is ‘n sterk kans dat Suid Afrikaners in die toekoms aan ‘n referendum hieroor kan deelneem. Maar die politiese konnotasies wat nog lank aan hierdie kwessie gekoppel gaan bly, sal heel moontlik verhoed dat hierdie referendum ten gunste van die doodstraf gaan uitdraai.

(more…)

Dellie is terug…en sy soek raad

‘n Teer ou sakie wat ek vandag wil aanraak. En dis nogal ‘n lang storie. Ek moet die hele storie vertel, anders sal dit nie sin maak nie. Ek was nie so seker of ek dit hier moet post nie, maar ek weet die meeste van julle het ook al baie dinge deurgemaak. En dat julle ook maar ‘n klomp softies is. Hierdie is nie eintlik MY storie nie. Ek moet net vent hieroor, anders gaan ek ‘n aar bars, maar ek kan dit nie op my eie blog doen nie. Julle sal verstaan as julle die storie lees. So kry maar ‘n koppie koffie, en kyk of jy dalk vir my raad het?

Die saak staan so:

In Januarie 2007, trek hierdie paartjie in ons agterste woonstel in. Man, vrou en twee kinders. Teen die tweede maand wat hulle hier bly, sukkel ons nog om die volle sleuteldeposito te kry. Om nie eens te praat van betaling vir water en elektrisiteit nie. Net daarna, verloor meneer sy werk. Ons ken nie die rede nie.

Hier by maand nommer vier, besef ons dat die kanse skraal is dat ons huurgeld van hulle gaan kry. Nie een van die twee kry werk nie. Maar ons harte is te sag om hulle uit te sit op straat. Daar is twee kindertjies betrokke. Soms sien ons hom om die hoek verdwyn met ‘n TV of CD speler onder die arm – pawnshop toe. Later is daar nie veel meubels oor in die woonstel nie. Ook nie ‘n yskas nie.

(more…)

Welkom terug Emil…

Die klug van regstellende aksie – is individualisme die natuurlike alternatief?

Ek speel met ‘n paar gedagtes, brabbel ‘n paar sinne, en wonder of Ayn Rand nie tog reg het nie:

‘Individualism means emphasis on the individual. [It] is the view that, in social issues, the individual is the unit of value; this is a moral corollary of the principle that each man is an end in himself. Politically, as an expression of this approach, an individualist social system is one that upholds individual rights.”

Is dit tans die Suid Afrikaanse samelewing, met sy omgekeerde rassisme in ‘n beleid soos regstellende aksie, waar die moraliteit bepaal dat sekere regte bo dié van ‘n individu geplaas word, aan die orde van die dag is?

Dat die kuur vir rassisme die verkondiging en bevordering van rasse- en etniese diversiteit in organisasies, universiteite en regeringsintellings is, is so alledaags dat dit as ‘n feitlike aksioom beskou word.

(more…)