Kom ons vergeet van die redes oor hoekom hierdie mense hier opgeland het en probeer help soos ons kan.

Het nounet hierdie mail gekry en die desperaatheid van die situasie is duidelik.

Kiepnet  (kontak asseblief Etienne direk onder aan die post)

Hi Almal

Die is net ‘n paar foto’s.

Vir die wat nie bewus is daarvan nie, hiermee besonderhede van die blanke
Plakkerskamp by die Krugersdorpdam. Ek was Saterdag weer daar en word elke
Keer opnuut bewus van die aaklige omstandighede van hierdie mense. As jy
Enigsins kan help kontak my groot asseblief … ONS MOET HIERDIE MENSE
PROBEER HELP.
Tans is daar 83 gesinne en omtrent 60 kinders betrokke. Die algehele
Omstandighede daar is benard en die mense bly in haglike omstandighede.
Geen kos word uitgedeel aan die mense nie en dit word gehou vir die
Sopkombuis. As daar ekstra brood, groente en vrugte is word dit wel
Uitgedeel.
Ons het dringend die volgende artikels nodig.
· Tente of enige seile om tente waterdig te maak.
· Ou karavane.
· Zozo hutte.
· Enige beskutting waar kleuters gehuisves kan word om te speel en in te
Kleur.
· Enige speelgoed vir die kinders.
· Enige hout, spykers en skroewe. (Daar is 3 skrynwerkers wat nie werk het
Nie en hulle kan hutte of beskuttings hiermee bou.)
· Sinkplate.
· Enige staal. (Hugo het sweismasjien om tafels en beskuttings mee te
Maak.)
· Komberse en kussings.

(more…)

Ek weet nie van julle nie maar ek het al reeds begin spaar vir die outjie toe die eerste een al ‘n jaar terug op die amerikaanse rakke verskyn het.

Die eerste model was te duur en Apple het dit besef. Mens kan nie dubbel so duur vir die foon as sy beste kompetisie betaal nie en nou is die beste nuus ooit dat die tweede generasie foon vinniger is en ook helfte van die prys gaan wees.

Die vrystelling van die tweede generasie iPhone in Californie was in geheimhouding gehul rakende die foon se nuwe vermoens. Blogs en nuus blaaie het behoorlik gegons oor die foon.

(more…)

Die lied van jong Suid-Afrika
woorde, Eitemal; gewysig, P McLachlan, musiek, Hugo Gutsche; verwerk, Dirkie de Villiers

< Luister >

“En hoor jy die magtige dreuning?
Oor die veld kom dit wyd gesweef,
Die lied van ‘n volk se ontwaking,
Wat harte laat sidder en beef.
Van Kaapland tot bo in die noorde,
Rys dawerend luid die akkoorde:
Dit is die lied van Jong Suid-Afrika.”

Onthou jy nog dit/hierdie? Ek onthou dat ons dit nog op skool gesing het, maar hoekom word dit nie meer in jou top “tradisionele” afrikaanse skole soos Affies gesing nie?

Dit het so warm politiese aartappel geword dat ons te bang is ons gaan “gelabel” word as regse ekstrimiste.
Waar is “Aanstap, aanstap”, “Dis lente in die Boland”, “Mamma, ‘k wil ‘n man hê”, “My hartjie, my liefie”, “So ry die trein”?
Gaan die geslag na ons van die goed in boeke lees en net wonder op wat se deuntjie dit gesing was?
Hoekom is ons kultuur en die ryk geskiedenis besig om weg te smelt?

… tot later

Bosparra nooi Virginia Keppler van Beeld uit om die WARE feite rondom die saak kwyt te raak.

Die artikel : http://www.news24.com/Beeld/Suid-Afrika/0,,3-975_2328235,00.html

” sy vuurwapen uitgepluk en die rower, wat steeds op sy bed gestaan het, doodgeskiet.”

Die waarheid is: Vier gewapende mans het die kamer binne gestorm en dadelik drie skote afgevuur op Dawie.
Hy slaap altyd met sy 9mm onder sy kussing maar na die eerste skoot het hy opgespring en die rower omgeduik en met hom gestoei waarna hy sy wapen in die hande gekry het en hom net daar doodgeskiet het.

Die ander het laat spaander toe hulle die gedoente sien.
Dawie is later aan sy wonde oorlede in die Wilgers hospitaal.

BP dink aan die Maree gesin in die moeilike tyd en ons is saam met julle hartseer - hierdie is definitief nie plan A nie.

…tot later

Naspers het aangekondig dat hulle hulle internet diens verskaffer gaan verkoop aan die hoogste bod.
Naspers het gese dat MWeb baie winsgewend is maar dat die firma nie meer in hulle huidige fokus val nie.
In plaas daarvan dat hulle telekommunikasie infrastuktuur gaan bou gaan hulle fokus op aanlyn inhoud platvorms, gemeenskappe en e-besigheid.

MWeb hoop om een van die dae ‘n lisensie van ICASA te verky om ‘n ‘wireless broadband” netwerk te mag bou genaamd WiMax. Dis basies soos ADSL op steroide maar sonder die fiesiese bekabeling.

Moontlike kopers sluit in Vox Telekom en Altech.

..en die prys vir die 160 000+ klante op die boeke is etlike biljoene rande.

Wil enige iemand ‘n ISP begin?

…tot later

Derek Hanekom het Vrydag aangekondig dat SA sy eerste battery aangedrewe voertuig gaan kry.

Die ses sitplek voertuig gaan tussen 100 en 400km kan ry afhangende van hoe jy hom ry. Maw amper altyd onder 100 as jy gewoond is aan hoe mense in Gauteng oor die algemeen ry.

Daar gaan ook ‘n drie sitplek model wees?? ‘n Tipe Smart of wat? en albei gaan son panele hê om die “Made in China” batterye te laai.
Die beplanning op die stadium is om met 2010 so 4000 eenhede te produseer en die aanleg gaan R300 miljoen kos. Die bedoeling is om eers regeringsvoertuie hiermee te vervang en dan later kommersiel beskikbaar te stel aan Jan publiek.

Die enigste klein probleempie hiermee is dat jy jou Battery sedan soms moet laai met … (ELEKTRIESE) krag

…tot later

‘n familielid gaan deur ‘n lys by ‘n hoerskool van studente wat die aardbewing in China oorleef het.

(more…)

8 Dae -

950 Kilometer-

Knysna na Lourensford-

Totale klim: 18.5 km!

Dis sekerlik die strafste bergfiets kompetisie in SA.
Baie mense begin hom maar maak hom nie klaar nie.
Roel Paulissen en Jakob Fuglsang van Denemarke het hom hierdie jaar in net 36:01.44,7 klaargemaak.

Wie van julle het al of hierdie jaar deelgeneem en wat was jou ervaring?

http://www.cape-epic.com/

(more…)

Sit en timmer aan so paar images toe hoor ek hoe klap ‘n skoot hier buite en minute later is die polisie helikopter ook hier.

Die afgelope week was ‘n donker reminder dat ons mense hier aan die suidpunt nie sal skroom om te maak soos hulle “brothers” in Noord Afrika nie. DRC, Angola, Haiti…. en die lys gaan aan.

Wat my egter bekommer is hoe “magteloos” die regering in die hele situasie voorkom. Hoekom daar nie na die eerste insident weermag taakspanne ingestuur is nie weet ek nie.

My vraag is , wat gaan die draaipunt in SA se toekoms wees sodat ons “The high road” gaan neem?

.. tot later

Ry vanmiddag baie rustig huis toe. Nog bietjie broos na my vriend se ongeluk op Atterbury.

Ek klim op die N1 suid van die N4 af en raai wat sien en op regterkant.

Twee rokende rooihaar gekleurde sonbeplooide middeljarige vrouens in ‘n wit Toyota bakkie
(Registrasie NRR397GP)

Die hele voertuig het gewieg onder die enorme lading maar beste van als is dat daar GEEN toue of straps
oor die bande was nie. Die bande kon enige oomblik van die bakkie afm*&r en dan is daar ‘n enorme ongeluk.
Jy kan net dink wat se chaos is ‘n paar van die bande op die N1.

Ek dink dit toe goed om tot langs die tannies te ry en visueel vir hulle met my wysvinger teen my slaap te wys en te mime : “Julle is mal”

Die tannie wat bestuur het het nie baie daarvan gehou nie en het soos ‘n gorilla mannetjie tekere gegaan op die stuurwiel en in geen onduidelike vingertaal vir my gewys dat sy NIE met my saamstem nie.
Het maar net my kop geskud en verder gery.

O metro my metro, waar was julle?
Ek hoop nie ons lees more oggend van hulle nie.

…tot later

Het ‘n snaakse dag gister gehad - my vrou bel my, se iemand by hulle werk het probeer selfmoord pleeg, “wat?”

Mens lees moes net van die goed, gebeur moes met ander mense. Kry hulle jammer en die vroutjie is nog in die tjoekie. Word eers die 16de verhoor.

Dieselfde aand sou ‘n vriend van my en sy vrou by ons kom kuier. Hy sms my so ses uur “Hallo tjom, was in ongeluk, is in die hospitaal maar ek is fine. ”

Ek bel hom dadelik. GROOT ongeluk. Atterbury en Glenwood kruising. Hy en sy beste vriend loop op die sypaadjie, oppad na Menlyn vir middagete. Iemand met ‘n bakkie kan nie stop nie, verloor beheer en ploeg in hulle twee in.
My vriend leef en sy beste vriend sterf op die toneel. Hy was pa van een (9maande) en sy vrou is 8 weke swanger met die tweede kind.
(more…)

Vodafone het aangekondig dat hulle ‘n ooreenkoms geteken het wat tien nuwe lande insluit vir die outjie, en ja ons is gelukkig die keer een van hulle.

Een van die groot redes hoekom ons so lank moes wag is Apple se ooreenkoms wat bepaal dat hulle ‘n persentasie van elke oproep koste sal kry, iets waaroor die Vodacom’s en MTN’s nie te opgewonde is nie.

Ons weet nog nie presies wanneer in 2008 hy hier te koop gaan wees nie maar dit gaan die wag die moeite werd wees. Ek het so maand terug met die iPod touch gespeel en ek kon sweer die ding is op my brein ingeprop.
Hy doen alles DADELIK wat ek wil he.

Die prys, in die omgewing van R3500, dalk meer.

..tot later

ps: ‘n Opvolg post sal bietjie meer omtrent sy tegniese vaardighede uitbrei

Sunday times het ‘n studie gedoen oor vyf maande waar hulle die pryse van basiese inkopie items dopgehou het.

Hulle bevinding: ‘n 25% toename in basiese huishoudelike items.

‘n Trollie met 20 basiese items in gaan jou nou R402 uit die sak jaag.
Inflasie is twee weke terug op 10.1 persent vasgemaak wat moeilik is om te verstaan as mens in ag neem
wat die rentekoers en petrol & diesel aanpassings aan meeste Suid Afrikaners gedoen het.

Mense het eenvoudig net nie meer geld nie en mens kan dit op baie maniere om jou sien.
In ons eie huishouding probeer ons om van die onnodige items uit te skakel want elke bietjie tel op na baie as die ekonomie knyp.
DIt laat mens dink waar gaan dit alles opeindig want ek kan nie sien hoe kospryse weer gaan daal as die produksie weer in lyn is met die aanvraag nie. Gaan kookolie byvoorbeeld weer terugkeer na sy normale prys?

Daar is seker baie om oor bekommerd te wees maar wat gaan die prys gety rem?

…tot later

Lees nounet my Hotmail en my oog vang toe die banner ad aan die bokant -

“Fabulous winner of millions in online gambling…..”
Ken iemand enige mens wat al OOIT so ryker geword het?

Soos platkuif se - waar of wolhaar?

..tot later

Ken iemand tannie Alexandra?

Saterdag, 850 kilometer in GIETENDE reen op die N12 op pad terug na Sodom en ek wonder hoekom ek die plek so moeilik kan vergeet.
Sit vandag by my oopplan miernes en staar na die landskap foto wat ek presies een jaar terug geneem het.
Soos die oom se seun sê: “Die stad is over rated”

Hier kry ek weer die eenvoud van wat dit is om te LEWE.
Wel genoeg filosofie vir een Dinsdag.

Ek het so paar ekstra pics vir die lang verlang oorsee bosparras bygesit.
…tot later

(more…)